Эрдмийн эхлэл ЕБС-ийн Физикийн багш Ц.Цог-Очирын урилгаар ДОКТОР Т.ГАНСҮХ “КОСМОЛОГИ” СЭДВЭЭР ИЛТГЭЛ ХЭЛЭЛЦЛЭЭ.

БНСУ-ын Чежүгийн үндэсний их сургуулийн Квант космологийн группийн судлаач Доктор Т.Гансүх манай сурагчдад онлайнаар (Microsoft Teams ашиглан) сансар судлал "Космологи" сэдвээр сонирхолтой илтгэл хэлэлцүүлж, сурагчдын асуултад хариуллаа.

Т.Гансүх доктор Солонгос улсад магистр, докторын зэрэг хамгаалсан ба сансар судлал, космологийн чиглэлээр судалгаа хийдэг Монгол улсын шилдэг судлаачдын нэг юм.

Орчлон ертөнцийн үүсэл, нууц, их тэсрэлт, хар нүх, гравитацын долгион, сансар огторгуйд юу байдаг гэх мэт олон сонирхолтой мэдээллүүдийг бидэнтэй хуваалцаж, илтгэл хэлэлцэв.

Сурагчдын маань оюуны мэлмийг тэлж, шинжлэх ухаанд нэвтэрсэн гайхалтай хэлэлцүүлэг болж өндөрлөлөө.